वेद र गृहस्थ जीवन

वेद र गृहस्थ जीवन

वेद नै सबै सत्य विद्याहरूको पुस्तक हो। वेद ईश्वरको वाणी हो जो सबै सत्य विद्याहरूको पुस्तक हो तथा जीवनका प्रत्येक क्षेत्रमा मनुष्यलाई मार्ग दर्शन पनि गर्दछ।

ब्रह्मचर्यपूर्वक विद्या अध्ययन गर्दै गृहस्थ आश्रममा प्रवेश हुनेवालालाई वेद मार्गदर्शन गर्दै भन्छ-

गृहा मा विभीत। (यजु० ३/४१)

हे मनुष्य! विवाहित जीवनको पवित्र दायित्व र कर्तव्यहरूसँग नडराउ, तिनलाई निष्ठापूर्वक वहन गर।

विवाहमा आएका विद्वानहरूका लागि वेदको आज्ञा छ कि-

सुमंगलीरियं वधूरिमाँ समेत पश्यत।

सौभाग्यमस्यै दत्वा यथास्तं विपरेतन।। (ऋ० १०/८५/३३)

हे विद्वानहरू! यी दुलही मंगलस्वरूप छिन् अतः यिनीसँग स्नेह राख तथा मंगल दृष्टिले यिनलाई हेर। यिनलाई सौभाग्यको आशीर्वाद दिएर आफ्नो घरप्रति जाऊ।

नयाँ दुलहीका लागि वेद आदेश दिन्छ कि-

अघोर चक्षुरपतिघ्न्येधि शिवा पशुभ्यः सुमनाः सुवर्चा। (ऋ० १०/८५/४४)

हे रानी! तिमी शान्तदृष्टिवाली एवं पतिको शुभचिन्तन गर्नेवाली भएर आऊ। पशुहरूकी कल्याणकारिणी भएर आऊ। सुन्दर मनवाली र तेजस्विनी भएर गृहमा प्रवेश गर।

वेद नव दम्पत्तीलाई समाजका प्रति आदेश दिन्छ-

प्रजां कृण्वाथाम् इह पुष्यतं रयिम्। (अथर्व० १४/२/३७)

हे दम्पत्ती! तिमी समाज र राष्ट्रको ऐश्वर्य तथा उत्कर्षमा योगदान दिइराख।

मित्रहरू! वेदहरू नै जीवनको हरेक मोडमा हामीलाई मार्गदर्शन गर्नेवाला मार्गदर्शक हुन्।

।।इति ओ३म्।।